Збор твораў (Купала, 1925—1932)/VI/II/Вяртаюцца з выраю…

⁂ (Вяртаюцца з выраю…)
Верш
Аўтар: Янка Купала
1932 год

Прапануем да спампаваньня!

∗
∗ ∗

Вяртаюцца з выраю жоравы, гусі
Да збураных гнёзд на палёх Беларусі;

Як „бежанцы“ тыя, ганяны тугою,
Да роднага краю плывуць чарадою.

А думцы маркотна, а думка ня бачыць,
Як птушка і тая айчынай маячыць,

Мкне з выраю птушка, а думка у вырай,
Ляцела-б, ляцела, а шчыра, так шчыра!

1922 г.