Збор твораў (Купала, 1925—1932)/VI/I/Цемната і слата…

← Замчышча

⁂ (Цемната і слата…) Верш Аўтар: Янка Купала 1932 год

Я не для вас… →

Іншыя публікацыі гэтага твора: Цемната і слата…

Прапануем да спампаваньня!

∗
∗     ∗

Цемната і слата,
Вецер б‘ецца ў вакно,
Як-бы нанач у хату
Ён просіцца,
Як-бы стужай яму
Надаела даўно
Ў чыстым полі бязвольна
Разносіцца.

Я ў хаце адзін
І мінуты лічу,
Ці ўжо скора ноч гэтая
Скончыцца?
Адзіноцтва-ж, як здань,
Мігаціць у ваччу,
Ля пасьцелі вужакаю
Корчыцца!

1913 г.

---