Збор твораў (Купала, 1925—1932)/VI/I/Памаліся…

← Крыўда

Памаліся… Верш Аўтар: Янка Купала 1932 год

Далей і болей… →

Іншыя публікацыі гэтага твора: Памаліся (Купала).

Прапануем да спампаваньня!

ПАМАЛІСЯ…

Памаліся, старча,
За дабро, за збожжа;
Што сяўцоў сабою
Пракарміць ня можа.

Памаліся, старча,
За жывёлку-статак,
Што ідзе, рыкае
Каля дымных хатак.

Памаліся, старча,
За людзей, за нелюдзь,
Што ляглі, заснулі,
Што жывуць і дрэмлюць.

Памаліся, старча,
І за край свой родны,
Што гадкі кароце
Ў сіверах нязводных.
..........
Памаліся, старча!

Бэнін, 15-X 1909 г.

---