Збор твораў (Купала, 1925—1932)/II/Бацькаўшчыне/Я люблю

← На вялікім сьвеце…

Я люблю Верш Аўтар: Янка Купала 1926 год

⁂ (Па межах родных…) →

Іншыя публікацыі гэтага твора: Я люблю (Купала).

Прапануем да спампаваньня!

Я ЛЮБЛЮ

Я люблю ўсходы нашых палеткаў
І спавітыя ў зелень лугі,
І шум бору пануры, глухі,
І шаптаньне крынічнае ўлетку…

Я люблю упрыгожану ў мхі
Нашу вёску — сваёй крыўды сьведку,
Свой народ — гэту зьвяўшую кветку,
Цэлы край — родны мне й дарагі.

Я люблю ясны вочы і грудзі
І стан гібкі дзяўчыны-красы;
Аб ёй брэджу на яве і ў сьне.

Я люблю і заву, бы ў нялюдзі —
Чуюць кліч мой сухія лясы,
Кліч: хто-ж любіць, хто любіць мяне?

---