Збор твораў (Купала, 1925—1932)/II/Бацькаўшчыне/На вялікім сьвеце…

← Для зямлі прадзедаў маіх…

На вялікім сьвеце… Верш Аўтар: Янка Купала 1926 год

Я люблю →

Іншыя публікацыі гэтага твора: На вялікім сьвеце…

Прапануем да спампаваньня!

НА ВЯЛІКІМ СЬВЕЦЕ…

На вялікім сьвеце б‘е жыцьцё крыніцай.
Барацьба за волю і за долю рдзее,
Маюць панаваньне вера і надзея,
Асьвяціць народы лепшы быт маніцца

На вялікім сьвеце неба сьлёз ня сее,
Ёрмаў не майструе крыўда-чараўніца,
Не галубіць думак цемра-асьляпніца
І ня водзіць душаў пагібеньня кнеяй.

На вялікім сьвеце б‘юць званы на славу,
Людзі з плеч скідаюць ланцуговы скруты,
К сонцу йдуць браточна з рабскае пакуты.
На вялікім сьвеце ўсё ідзе па праву,
Па законе божым, з яснатой яскравай…
А у нас, у нас што?.. Толькі звоняць путы…

1912 г.

---