Збор твораў (Купала, 1925—1932)/II/Байкі і аповесьці/Асёл і навука

← Два мужыкі і глушэц

Асёл і навука Байка Аўтар: Янка Купала 1926 год

Ігнат і п‘яўкі →

Іншыя публікацыі гэтага твора: Асёл і навука.

Прапануем да спампаваньня!

АСЁЛ І НАВУКА

Байка

Аслова невуцтва ня раз
Служыла дурням за паказ; —
Дык вось нарэшце узялі
Асла ў навуку аддалі.
І сталі ўчыць яго чытаць, —
Вучылі нават і пісаць.
Асёл так шчыра ўчыцца ўмеў,
Што кніжкі ўсе, як сена, зьеў
І столькі ў гэтым скарыстаў,
Што горш убоістым ён стаў!..

---

Людзям ёсьць тут такі прымер
(Ёсьць людзі на быдля манер):
Хоць колькі ня вучы асла,
Аслом ён будзе да канца!..

---