Збор твораў (Купала, 1925—1932)/I/Жалейка/Лебедзь, шчупак і рак

← Воўк і баран

Лебедзь, шчупак і рак Верш Аўтар: Іван Крылоў 1925 год Арыгінальная назва: Лебедь, Щука и Рак Пераклад: Янка Купала

Агароднік →

Іншыя публікацыі гэтага твора: Лебедзь, Шчупак і Рак (Крылоў/Купала).

Прапануем да спампаваньня!

ЛЕБЕДЗЬ, ШЧУПАК І РАК

Байка

(З расійскага. Крылова)

Там, дзе еднасьці і згоды
Няма шчырых у людзей,
Праца іхняя заўсёды
Ліха, марна прападзе.

Раз ў калёсы запрагліся
Лебедзь ды Шчупак і Рак;
З усіх сіл вязьці ўзяліся,
Дый ня зрушаць воз ніяк.

Пад нябёсы лебедзь рвецца,
Шчупак цягне у ваду;
Распусьціўшы клюшні, пхнецца
Рак назад, як на бяду!

Хто з іх вінен, хто ня вінен,
Ня нам гэта разьясьняць,
Толькі-ж і дасюль калёсы
Як стаялі, так стаяць!

---