|
Яшчэ и сонцэ не ўзашло
Людзей на днеўны труд будзиць,
Тру-гу, тру-гу! на ўсйо сяло
Труба пастырская гудзиць.
Тру-гу, тру-гу! ўставай,
Хто жыў, адзин, други,
Вароты адчыняй,
Скацину выганяй,
Тру-ги, тру-ги, тру-ги!
Ўстае сяло на трубны гук,
Спяшыць к жывйолине сваей,
И вот раздаўся рык и грук
Кароў, авечак и свиней.
Тру-гу, тру-гу! идзи,
На поле, на луги,
Скацинка, и глядзи,
Друг дружку не бадзи:
Тру-ги, тру-ги, тру-ги!
Идзе ўсйо войска на папар,
Прышло, скланила галаву,
И дружна, дружна мал и стар
Скубе вильґотную траву.
Тру-гу, тру-гу, дзяры
Травицу с пад наги,
Даждаўшыся пары,
Напьешся ты вады.
Тру-ги, тру-ги, тру-ги!
Скубець скацина, а пастыр
Пасе, пильнуе ат ваўка,
Снуе вакруг удоўж и ўшыр,
То цйолку злае, то быка.
Тру-гу, тру-гу, с трубы
На свет шырок, даўги
Мкне адгалос трубы,
Аж стогне лес, дубы,
Тру-ги, тру-ги, тру-ги!
Но вот наеўся и идзе
Рагаты сыты полк у хлеў,
Пастух за йим у грамадзе,
Но ци й пастух сыт, ци пад’еу?
Тру-гу, тру-гу, й ня сниў…
Пастыр, слуга слуги,
Свой полк карми, паси,
Сам после пад’яси.
Тру-ги, тру-ги, тру-ги!
|
Прапануем да спампаваньня!
