Доля наша (Канапніцкая/Купала)

Доля наша Верш Аўтар: Марыя Канапніцкая Пераклад: Янка Купала

Крыніца: Купала Янка. П'есы, пераклады \ Прадмова А. В. Сабалеўскага; уклад. Л. С. Курбенка — Мінск, Юнацтва, 1992. ст. 301-302

Прапануем да спампаваньня!

Пад якой ідзеш зарою,
  Ой, ты, доля наша -
Ці пад хмарнай, пад бурлівай,
  Што віхрамі страша,

Што над сумнаю зямелькай
  Ходзіць, ды не свеце,
І сумліва пазірае,
  І крывёй свет квеце?

Ці ідзеш ты, наша доля,
  Пад той зоркай яснай,
Што варожыць нам Дзянёчак
  Сонечны і шчасны,

Што ў красу загон аздобіць,
  Ў суме засяваны,
Пазалоціць хатаў чорных
  Стрэхі саламяны?

Ці ідзеш ты, наша доля,
  Пад той зоркай яснай,
Што варожыць нам Дзянёчак
  Сонечны і шчасны?