Гусьляр (1910)/Wiesna

← Pole

Wiesna
Верш
Аўтар: Янка Купала
1910 год

Іншыя публікацыі гэтага твора: Вясна (У вянку з пралесак…).

Прапануем да спампаваньня!

Wiesna.

U wianku s pralesak,
U świetlanaj šacie
Chodzie boram-lesam,
Polem, sienażaciaj.

Soncu jasnahreju
Raspletaje kosy,
Ranicami sieje,
Jak brylanty, rosy.

Scielicca trawicaj,
Wietrykam šapoče,
Kocicca krynicaj,
Rybkaju pluskoče.

Wiesieła mirhaje
Sošce i baronce,
Zierniatko chawaje
Ŭ świeżaj barazionce.

U hajki zachodzie,
Šapacić listkami;
Hutarku zawodzie
Z biełkami, z dziatłami.

Rodnaje prysielle —
Wyraj lubić wuče,
Ład wiadzie ŭ kapeli
Hramady piawučaj.

Siamićwiet-wiasiołkaj
Zjaje nad dalinkaj,
Chodzie za karoŭkaj,
Hlanie i ŭ chacinku.

Dziacinku, dziaŭčynie
Błohasna ŭśmichniecca,
Štoś na wucha kinie,
Zakałocie sercem.

I usiudach hetak —
Polem, sienażaciaj,
U karonie s kwietak,
U świetlanaj šacie.