Гусьляр (1910)/Wiasieńniaja ranica

З пляцоўкі Вікікрыніцы
Wiesna Wiasieńniaja ranica
Верш
Аўтар: Янка Купала
1910 год
Leta
Іншыя публікацыі гэтага твора: Вясеньняя раніца.

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Wiasieńniaja ranica.

Wiasieńniaja nočka,
Jak stoj, pralacieła,
I ranica z nieba
Spływaje niaśmieła.

Świt jasnaści ŭzmacham
Pačaŭ dzianiok nowy;
Chawajucca s stracham
Načnicy i sowy.

Miljonnaja zorak
Siamiejka zasnuła,
Pramieńniami sonce
Z uschodu mirhnuła.

Tuman s sienażaciaŭ
Pływie, razsiajecca;
Zwon puta čuwaci,
Načleżnik placiecca.

Ad ptušynych piesień
Lasy zahudzieli,
I liścia, i trawy
Ad rosaŭ zardzieli.

Prasnulisia wioski.
Dym s komina wale;
Aświery, pawozki
Skrypiać niedzie ŭ dali.

A sonce ŭsio wyżej!
Zyćcia ŭsudy bolej…
Płuhi i barony
Zašurchali ŭ poli.

Rykaje skacinka,
Ihrajuć żalejki;
Nad cełaj miaścinaj
Stajić homan niejki.

Ŭsio jhraje, ŭzywaje
Da pracy — aż mia…
Kuj, bracie, żaleza,
Pakul nie astyła!