Гусьляр (1910)/Pole

З пляцоўкі Вікікрыніцы
Chatka Pole
Верш
Аўтар: Янка Купала
1910 год
Wiesna
Іншыя публікацыі гэтага твора: Поле (Купала).

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Pole.

Pole majo, pole!
Ty mnie daram bożym; —
Lublu ciabie ščyra,
Absiejano zbożżem.

Lublu twajich mieżaŭ
Stużak rad zialony,
Roŭnyje barozny
Šyrokich zahonaŭ.

Lublu ciabie, pole,
Wiesiałaj wiasnoju,
Jak ty zarunišsia
Ŭsiakaj dabrynoju;

Jak na tabie srybna
Zaćwicie rasica,
Ptuška zaščabieče,
Sonce razharycca.

Lublu ciabie letam,
Jak krasuje niwa,
Jak šumić ad wietru
Błohasna, ščaśliwa;

Jak kołas naśpieły
Pad siarpom sahniecca,
I smutnaja żniejau
Pieśnia paniasiecca.

Lublu ciabie, pole,
Ŭ wosień nie skupuju,
Jak napoŭniš puniu,
Ty maju pustuju;

Jak ty mnie za pracu
Atpłacišsia hojna,
Da wiasny k nalećciu
Prażywu spakojna.

Lublu tady nawat
Ciabie, majo pole,
Jak nad taboj żutka
Zimka zaskahole;

Jak pačnie śniaźnica
Hurby nasypaci,
Byccam majo ščaście
Na wieki chawaci.

Pole majo, pole!
Daj że ty mnie siły,
Kab ciabie lubiŭ tak
Da samaj mahiły!