Гусьляр (1910)/Siadź tut pad kryżam

Siadź tut pad kryżam
Верш
Аўтар: Янка Купала
1910 год

Іншыя публікацыі гэтага твора: Сядзь тут, пад крыжам…

Прапануем да спампаваньня!

Siadź tut pad kryżam…

Siadź tut pad kryżam, siadź, addychni!
Zmučeny bracie darohaj,
Ty biez adduchi mnohije dni
Šoŭ siratoju pamiż ludźmi,
Żdučy spačynku s trywohaj;

I nie znajšoŭ ty druha nidzie,
Što zaprasiŭ-by ŭ chacinu,
Dzie-b ty zabyŭsia ab horkaj biadzie,
Što za taboju z horam idzie,
Dzie-b addychnuŭ ty časinu.

Dzie-b tabie dali ciopły kutok,
Kab nie kaleŭ na marozie;
Kab nia mleŭ, chleba dali-b kusok,
Wiery i siły dzie-b ty, drużok,
K dalšaj sabraŭ-by darozie.

I nie znašoŭ ty chatki takoj;
Dalš iści mała ŭżo siły;
Siadź tut pad kryżam, bracie, ty moj!
Tut jak spačnieš burliwaj dušoj,
Dojdzieš lahčej da mahiły.