Гусьляр (1910)/Chatka

Chatka
Верш
Аўтар: Янка Купала
1910 год

Pole →

Іншыя публікацыі гэтага твора: Хатка (Купала).

Прапануем да спампаваньня!

Chatka.

Pachinułasia,
Ŭ ziamlu ŭjechała,
Ty wiaskowaja,
Chata biednaja!

Na strasie twajej
Moch panošycca,
Ćmoj łučynkami
Wokny żalucca.

A jak dzikije
Wietry ŭschodziucca,
Ty dryżyš usia,
Chatka ciomnaja.

K tabie, miłaja,
Nie zajšoŭ nichto
S słowam laskawym,
Dyj s paciechaju.

Tolki jduć k tabie
Pa mużyckuju
Siłu krepkuju,
Pracawituju.

Biedna chatka ty,
Ale wiečnaja,
I pałacy ŭsie
Pierastoiš ty.