Гусьляр (1910)/Na dudcy

З пляцоўкі Вікікрыніцы
Nad kałyskaj Na dudcy
Верш
Аўтар: Янка Купала
1910 год
S pieśniaŭ ab myżuckaj doli
Іншыя публікацыі гэтага твора: На дудцы.

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Na dudcy.

Jak-że można ŭ majej chacie
Żyć doli,
Kali chleba jej nie chwacie
I soli?
Z majej chatki paciech mała,
Jak z łomu,
S strachi bura pazdzirała
Sałomu.
Na padporach ścieny, šulla
Hniłyje,
Wiecier čuć nie pierakule,
Jak wyje.
A praz niskije wakoncy,
Jak nočaj,
Choć-by hlanuć jasno sonce
Nia choče.
Wiesna z hoładam prychodzie
Zaŭsiody,
I błahije šle razwodździa
Pryhody.
Letam — praca, pot spływaje
Rakoju;
Što zasieju, hrad źbiwaje
Biaz boju.
Pryjdzie wosień, zołka stanie —
Čas ciażki;
Pa pustym taku bje z rańnia
Cep ważki.
A zimoj zawieji ŭ poli
Hulajuć,
Chaŭtury pa majej doli
Spraŭlajuć.