Гусьляр (1910)/Nad kałyskaj

← Siročaja dola

Nad kałyskaj Верш Аўтар: Янка Купала 1910 год

Na dudcy →

Іншыя публікацыі гэтага твора: Над калыскай (Люлі, сьпі, мой сынку!..).

Прапануем да спампаваньня!

Nad kałyskaj.

Luli, śpi, moj synku!
Hodzie płakać, dracca!
Zašanuj ślazinku:
Niekali prydasca.

Hlanuć z nieba zory
Na żyćcio, na biedy;
Pojdzieš ty s pakoraj
Swajho baćki śledam.

Wyraścieš, dziciatka,
Sasninie pa wucha,
Budzieš duż, moj bratka,
Jak miadźwiedź-marucha.

Tolki budzieš niżej
Biednaty pakornaj,
Nie pazbudzieš kryża
Swajej doli čornaj.

Scieżynu błudliwu
Nojdzieš ty za chataj,
Źmieryš świet ščaśliwa,
Nie spatkaŭšy brata.

Sam skuješ ty puty
Hora wiekawyje,
Sam saŭješ piatlu ty
Na swaju na šyju.

Sojdzie hod za hodam,
Sojdzie čaradoju,
Bury, niepahody
Świsnuć nad taboju.

Ty z mučeńniem zżyŭsia,
Dawiadzie da rešty,
Biednym naradziŭsia,
Biednym i pamreš ty.

Dyk że śpi, moj synku!
Hodzie płakać, dracca!
Zašanuj ślazinku:
Niekali prydasca.

---