Гусьляр (1910)/S pieśniaŭ ab myżuckaj doli

З пляцоўкі Вікікрыніцы
Na dudcy S pieśniaŭ ab myżuckaj doli
Верш
Аўтар: Янка Купала
1910 год
Kryży
Іншыя публікацыі гэтага твора: Зь песень аб мужыцкай долі.

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Z pieśniaŭ ab mużyckaj doli.

Čyj šnur wuzak, uboh,
Nie daros, nie dasoch,
Łahi — moch, asaka?
— Mużyka!

Čyja ŭ pracy za ŭsich
Nie spačynie na mih
Z mazalami ruka?
— Mużyka!

Čyju chatu wichor
Pachiliŭ, strachu ździor,
Zbiŭ uporu s tačka?
— Mużyka!

Dzie čyjho u kraj čuży
Z rodnaj niwy — miaży
Atarwali synka?
— Mużyka!

Kaho biedaŭ pryhon
Saŭsich mučyć staron,
Jak na ŭwiazi waŭka?
— Mużyka!

Čyja sława ŭsiady
Nie minaje biady,
Turmy, torby, šynka?
— Mużyka!

Čyju pieśniu čuwać,
Jak by maje chawać
Na toj świet biedaka?
— Mużyka!

Hrob-mahiła čyja
Spić na dnie zabyćcia,
Jak-by zmyła raka?
— Mużyka!