Беларусі ордэнаноснай (1937)/Пад чырвонай зоркаю

← Выпраўляла маці сына

Пад чырвонай зоркаю Верш Аўтар: Янка Купала 1937 год

Як у госці сын прыехаў →

Іншыя публікацыі гэтага твора: Пад чырвонай зоркаю.

Прапануем да спампаваньня!

ПАД ЧЫРВОНАЙ ЗОРКАЮ

Пад чырвонай зоркаю
Армія Чырвоная
Прайшла долы, горы
І лясы зялёныя,

Калі крывапійцы,
Генералы царскія,
Аднавіць хацелі
Парадкі жандарскія.

*

Пад чырвонай зоркаю
Ад рукі зладзейскае
Кроў лілася светлая
Чырвонаармейская.

Гуляла, шалела
Подла інтэрвенцыя,
Француз, англічанін
Путы ўскласці меціўся.

*

Пад чырвонай зоркаю
Ўстаў народ працоўны
І прагнаў за моры
Бандытаў каронных.

Былі бітвы, бойкі
За свабоду працы,
І сцяг перамогі
Ўзняўся красавацца.

Пад чырвонай зоркаю
Армія Чырвоная
Пройдзе долы, горы
І лясы зялёныя,

Калі рабскі захад
Руку ўзняць захоча
На край большэвіцкі,
На ўладу рабочых.

*

Інтэрвенцкім бандам
Не гуляці болей
Па совецкім буйным
Нязмераным полі.

Пакрыецца славай
Наша пагранічча,
Калі к абароне
Партыя пакліча.

Пад чырвонай зоркаю
Армія Чырвоная
Пройдзе долы, горы
І лясы зялёныя.

11/VII-32 г.