Zbornik «Našaj Niwy» (1912)/2/U letni wiečer

← ⁂

U letni wiečer
Верш
Аўтар: Янка Журба
1912 год

Іншыя публікацыі гэтага твора: У летні вечар.

Прапануем да спампаваньня!

U letni wiečer.

Lublu ja wiačerniaj paroju
U susiedniu dubrowu chadzić,
Lublu ja s čaroŭnaj imhłoju
Žurbotnyje dumki dzialić:

Patrochu znikajuć tam boli,
Duša tam stajecca macniej;
I dumka ab ludzkaj niadoli
Nia ciśnie čas niejki hrudziej.

Praświetłyje mary uźwiewaje,
Krynica niasie swoj pluskot;
Na pluskaty wiecier zwažaje,
Ledź-ledź skałychnie ačarot.

Schiliŭšyś nad rečkaj burliwaj,
Sciahi tam wiarbinak stajać;
Ich liścia ŭ trywozi šumliwaj
Usio s chwalaj ab čymś hamaniać.

Mnie čujecca šopat prywietny
Miž hetych zialonych halin.
Znikaje tut zmrok biezpraświetny;
Mnie lohka, choć ja i adzin.

J. Žurba.