|
Nie apali jšče rannyje rosy.
I sonce nie stało sijać,
Jak wostryje ŭ popławie kosy
Wiasioła i zyčna źwiniać!
Bliskajuć rezwa na soncy,
Swiščuć šumiać u trawie…
Dumki žywym wałakoncam
Ujucca ŭ kascoŭ ŭ haławie!
Padaje, hniecca trawica
Radam, prakos u prakos!
Radaść u sercy iskrycca
Ščaście nam Hospad prynios!
Hej razydzieciesia ruki,
Kosy tak wostra biaruć,
Cieła nia wiedaje muki,
Nohi spačynku nia žduć…
Sonce z niabiosoŭ sijaje,
Wietryk niačutna šumić;
Roŭna trawa prawiadaje
Wiesieła siena sušyć!
Pieśniami sporyć rabotu
Baby i chłopcy piajuć.
Poŭny pracoŭnaj achwoty
Sercy ich radasna bjuć…
Zyki srebrystyje klopu
Pieśniaj markotnaj źwiniać,
Ssochšaje siena u kopy
Baby śpiešajuć składać.
I tut-že rastuć ŭ wočawidki
Toŭstyje kopy u rad…
Mnoha wykazwaje prytki
Pośpiech wiasioły dzieŭčat!
Pramieńniami smuhłyje twary
U pracy žywoj addajuć.
Mnoha hadziny pryparu,
Sił u ludziej adbiaruć.
Tolki nie darma ŭsie siły
Ludzi scirajuć swaje!
Praca ŭwieś świet uskarmiła,
Praca nam ščaście daje.
Pracaju siły pryrody
K ludziam u słuhi iduć,
Z jeju-ž ŭ świeci narody
Usie lepšaje doli pryžduć!
|
Прапануем да спампаваньня!
