Z rodnaho zahonu (1913)/Pieśni z rodnaho zahonu!..

I. Pieśni z rodnaho zahonu!.. Верш Аўтар: Андрэй Зязюля 1913 год

II. Maja lira →

Іншыя публікацыі гэтага твора: Песьні з роднага загону!..

Прапануем да спампаваньня!

I.

Pieśni z rodnaho zahonu!
Lijcisia pad strechi
Chat, — z wiasiołaho bolsz tonu
Piejcie dziela ŭciechi.
Kab niadola, rozpacz, hora,
Znikli jak zajhiaju,
Kab wiakowaho snu zmora,
Sczezła u naszym kraju.
Kab narod mieŭ bolaj wiery
Boha, bolsz nadziei,
Kab da szczaścia-doli dźwiery
Adczynili kniei.
Kab luboŭ niepraŭdzie, ździeku
Krysku pałażyła;
Kab z ruk pracy czaławieku
Żyć było tut miła.
Kab za czyn lubowi, wiery
Mielib ludzi chleba,
A jak projdzie hety szery
Wiek dastalib Nieba.
Nu dyk bolsz jaszcze razhonu
I adwahi jmicie,
Pieśni z rodnaho zahonu,
Skroś żyćcio budzicie!…