Rodnyje zierniaty (1916)/III/Dniepr (Łastoŭski)
| ← Apisańnie Dniepra | Dniepr Публіцыстыка Аўтар: Вацлаў Ластоўскі 1916 год |
Sož i Dniepro → |
Прапануем да спампаваньня!
Dniepr.
Blizka ŭsia Mahiloŭskaja hubernia stanowić dalinu Dniepra, katory ŭ Mahiloňščynie pryjmaje ŭ siabie 97 rek i 152 ruččy. Samy najbolšy prytok Dniepra ŭ Mahiloŭščynie heto reka Sož. Sož pryjmaje ŭ siabie 88 rek i 245 ruččoŭ, tak što Mahiloŭščyna — samaja bahataja z biełaruskich ziamiel ruččami i rečkami, bo ŭsiaho naličajuć ich tut zwyž tysiačy. Dniepr praciekaje pa Mahiloŭščynie 410 wiorst. Da miastečka Škłowa Dniepr ciače ŭ ciesnych i prytkich bierahoch, a kala Oršy bierahi Dniepra — heto hołyje piesčanyje skały. Lewy bierah wyšejšy za prawy, ale ad Oršy, dzie reka pawaračywaje na pałudzień, prawy bierah stanowicca wysokim, a lewy — pałohim. Najbolšaja šyrynia Dniepra ― 160 sažnioŭ, ale wiasnoj jon razliwajecca časam na 15 wiorst. Praz Minščynu Dniepr praciekaje 230 wiorst i pryjmaje ŭ siabie Biarezinu ŭ Prypiać.
Biarezina ŭ Minščynie praciekaje 590 wiorst. U dalinie Biareziny ciače 146 rek i ruččoŭ, katoryje ŭliwajucca ŭ jaje. Najbolšy s prytokoŭ Biareziny — Swisłač, jakaja praciekaje 211 wiorst.
Sož praciekaje ŭ Mahiloŭščynie 300 wiorst i kala Łojewa ŭliwajecca ŭ Dniepr. U časie pawodak Sož zaliwaje blizka ŭsiu dalinu, i wada padnimajecca na 5 sažnioŭ. Sady, łuhi, waziory prydajuć jaho bierahom wielmi panady wyhlad.
Prypiać należyć da najcikawiejšych rek nia tolki Biełarusi, ale i ŭsiej Europy. Jana wyciekaje niedaloka ad Buha, kala miastečka Opalina, ŭ Walynščynie. Pryjmaje ŭ siabie 123 reki i ruččy. Jana pływie pakručasta, to razdzielajučysia na niekolki rukawoŭ, to iznoŭ złučajučysia, na prastory 770 wiorst. Prypiać nawat maje niekolki nazwańnioŭ; u pačatkach jaje nazywajuć Pirok, paśla Stachod i Strumień. Praŭdziwaje swajo imia jana atrymliwaje ad sutokoŭ Jasiełdy (kala Pinska) i Styru. Jasiełda i Styr, ziiwajučy swaje wody, tworać Prypiać. Bierahi Prypiaci nizkije i bałotnyje, i tolki ŭ Mozyrskim pawieci jana maje bierahi wyšejšyje. Šyrynia Prypiaci ad 20 da 200 sažnioŭ. Hłybinia hetak sama wielmi zmienčywa.
S prytokoŭ Prypiaci wydzielajucca: Jasiełda, katoraja pryjmaje ŭ siabie Ohinskij kanał, a da prytoku Jasiełdy — Piny prymykaje Dniepro-Buhski kanał. Dalej idzie Styr, Horyń, Ptyč i Stwiha.