Rodnyje zierniaty (1916)/II/Wosień/Chto lepiej

← Chruńka

Chto lepiej Навукова-папулярны артыкул 1916 год Пераклад: Вацлаў Ластоўскі

Padziakawaŭ →

Прапануем да спампаваньня!

Chto lepiej?

Baćka zapytaŭsia syna:

— „Chto lepiej, heta znače karyśniej čeławieku, awiečka ci kaza?“

Synok padumaŭ i skazaŭ:

— „Awiečka.“

— „Kab nam lepiej razhadać, — skazaŭ baćka, zrobim tak: ty apišeš karyść awiečki, a ja apišu karyść kazy, i paśla zraŭniajem.“

Synok, raspytaŭšysia, i napisaŭ tak:

„Kala awiečki nia treba mnoha pracawać, i jana nie wydumna na korm: zwyčajnaje sieno zdawoliwaje jaje zimoj, a letam može naščypać trawy tam, dzie koń i karowa ničoha sabie nia znojduć; tak što utrymańnie awiečki nie darohaje. Awiečka daje smačnaje miasa i ciopły kažuch. Awiec stryhuć i z woŭny bjuć lamiec i lamcowyje wajłoki, praduć nitki i tkuć sukonnyje tkaniny. Awiečaje małako možna ŭžywać u strawu i rabić z jaho syr.“

Baćka napisaŭ hetak:

„Miasa maładych kaźlat wielmi smačnaje. S kozich skur robiać kažuchi. Tak zwany kozi puch idzie na wyrab kapialušoŭ, chustak i roznych sukonnych tkanin. Šmat chto haduje kozy zamiest karoŭ, dojać ich i robiać z małaka kozij syr. Koziaje małako ličycca hetkim zdarowym, što im lečuć suchotnikoŭ i, naahul, słabych na hrudzi ludziej. Kazu wielmi lohka prakarmić; jana zdawoliwajecca samym drennym sienam i nawat prosta dreŭnymi wietkami.“

— „Chto-ž lepiej?“ — paŭtaryŭ swajo pytańnie baćka.

Synok pieračytywaŭ abiedźwi zapiski i nia moh razhadać, jakaja žywioła lepiej: awiečka ci kaza. Tady zwiarnulisia za razhadkaj pytańnia da maleńkaj dziaŭčynki Olki.

— Abieźwi lepiej, — biez zapinki adkazała dziaŭčynka.

Pytańnia dla hutarak i piśmiennych rabot. Što pa wašamu lepiej: awiečka ci kaza? Čamu? Jakije my majem pradukty ad awiečak i ad koz u našych chatach? Jak u nas hadujuć awiec i jak koz? Jak wabiać koz, jak awiečak? Čym treba karmić awiečak? Čym koz? Chto razumniejšy: awiečka ci kaza? Čamu?