Rodnyje zierniaty (1916)/II/Wiesna/Jawar i kalina

Jawar i kalina
Верш
Аўтар: Янка Купала
1916 год

Jak pory hodu ŭpływajuć na raśliny i źwieroŭ →

Іншыя публікацыі гэтага твора: Явар і каліна.

Прапануем да спампаваньня!

Jawar i kalina.

Pieśniaj wiasny lebiadzinaju
Skinuŭšy zimnije čary,
Šepčecca Jawar s Kalinaju
Ŭ sumnaj dalinie nad jaram.
Liściki zieleniaj chwalacca
Niebu paniatliwaj mowaj;
Rosami myjucca ranicaj,
Pieściacca soncam paŭdniowym.
Zachadam modły pakornyje
Z matkaj ziamloj atpraŭlajuć;
Tajna u nočeńku čornuju
Miesiaca, zor wyhladajuć.
Słuchajuć śmiechoŭ rusalčynych,
Łopatu krylloŭ načnicy,
Wietru pawiewoŭ apjančenych,
Pluskatu čystaj krynicy.
Čujecca muzyka dziŭnaja
Ŭ powieściach sonnych imšaraŭ…
Ciešycca Jawar s Kalinaju,
Skinuŭšy zimnije čary.