Pierszaje czytannie dla dzietak biełarusoŭ (1906)/I/8

8. Synok maleńki
Верш
Аўтар: Цётка
1906 год

Іншыя публікацыі гэтага твора: Сынок маленькі.

Прапануем да спампаваньня!

8. Synók maléńki.

Tatúlku, chóču ja čytáć;
Tatúlku, chóču świet paznáć;
Tatúlku, jéchać chóču praz móry;
Tatúlku, abáčyć chóču hóry;
Jak ja búdu wučónym, tatulku,
Kuplú tabié tytunú ŭ lúlku,
Kuplú jaščé kažúch biéły,
Dyj armiák sukónny céły;
Kuplú saróčku nówu,
Dyj sóšanku klanówu.
Pačniéš, tatúlku, haráć
Dyj synká spamináć.
Matúlku tož lublú,
Čyrwónu chústu kuplú,
Chwartušók rabiéńki,
Andarák paławieńki;
Páciarak nie adzín šnurók
Kúpić dla ciabié twoj synók.
Tólki čytáć nawučýcie,
Dyj u swiet synká puscicie.
Tahdy tatulóčku,
Siwy hałubóčku,
Tahdy i matúlka,
Rabiéńka ziaziúlka,
Kuplú abiecánki!

Abiecánka-cacánka, a durnómu rádaść.
Částa abiecájuć, rédka datrymájuć.