Lekcyi i Evanelii na niadzieli i śviaty (1938)/II/10
| ← 9. Na Papialec | 10. Na dzień śv. Kazimiera Урыўкі зь Бібліі 1938 год Пераклад: Адам Станкевіч |
11. Na dzień śv. Jozefa → |
Прапануем да спампаваньня!
NA DZIEŃ ŚV. KAZIMIERA.
I.
Ščaślivy čalaviek, katory znojdzieny jość biaz zahany i katory nia hnaŭsia za zołatam i nie nadzieiŭsia ŭ hrašoch i skarbach. Chto-ž jość hetki, dyk chvalić jaho budziem? Bo dzivaŭ dakanaŭ u žyćci svaim. Chto daznany jość u hetym i ŭdaskanaleny, tamu budzie chvała viečnaja: jaki moh prastupić, ale nie prastupiŭ, rabić zło, ale nie rabiŭ. Dziela hetaha ŭćvierdžana bahaćcie jaho ŭ Panu i dareńnie jaho prasłaŭlać budzie ŭsia hramada śviatych.
(Mudr. 31, 8—11).
II.
U heny čas skazaŭ Jezus svaim vučniam: niachaj buduć padpajasany biodry vašy i śvietačy zapalenyja ŭ rukach vašych, a vy padobnyja da ludziej, čakajučych pana svajho, kali budzie varočacca z viasiella, kab adrazu jamu adčynić, jak nadyjdzie i pastukaje. Ščaślivyja tyja słuhi, jakich jon, pryjšoŭšy zastanie nia splučy sapraŭdy kažu vam: jon padpajašacca, pasadzić ich pry stale i, abchodziačy, pasłuhavać im budzie. A kali-b pryjšoŭ u druhoj varcie i kali-b u treciaj varcie pryjšoŭ i hetak-by zastaŭ — ščaślivyja tyja słuhi. Viedajcie-ž heta, što kab znaŭ haspadar, u jakoj hadzinie pryjdzie złodziej, nia spaŭ-by i nie dapuściŭ-by ŭleźci ŭ dom svoj. I vy budźcie hatovy, bo Syn čałaviečy pryjdzie ŭ hadzinie, u jakoj vy nia dumajecie.
(Łuk. 12, 35—40).