Lekcyi i Evanelii na niadzieli i śviaty (1938)/I/34
| ← 33. Na VII niadzielu pa Siomusie | 34. Na VIII niadzielu pa Siomusie Урыўкі зь Бібліі 1938 год Пераклад: Адам Станкевіч |
35. Na IX niadzielu pa Siomusie → |
Прапануем да спампаваньня!
NA VIII NIADZIELU PA SIOMUSIE.
I.
Braty, my nie daŭžniki cieła, kab žyć pavodle cieła. Bo kali pavodle cieła budziecie žyć, — pamrecie, ale kali ducham čyny cieła ŭmorycie — žyć budziecie. Bo katoryja kirujucca ducham Božym, jany jość Syny Božyja. Bo-ž vy nie atrymali ducha niavolnictva ŭznoŭ na strach, ale atrymali ducha synoŭstva, u katorym kličam: Abba, Ojča! Sam Duch śviedčyć duchu našamu, što my syny Božyja. Kali-ž syny, to i naśledniki: naśledniki-ž Božyja, a sunaśledniki Chrystusavy.
(Ryml. 8, 12—17).
II.
U heny čas skazaŭ Jezus svaim vučniam hetkuju prypovieść. Adzin čałaviek byŭ bahaty i mieŭ haspadara, na katoraha jamu danieśli, što jon rasstračvaje jaho dabro. I paklikaŭ jaho i skazaŭ jamu: što heta ja čuju ab tabie? Zdaj rachunak z tvajho haspadaravańnia, bo ŭžo nia budzieš mahčy haspadaryć. Haspadar-ža havaryŭ sam da siabie: što mnie rabić, — pan moj adymaje ad mianie haspadaravańnie? Kapać nia ŭmieju, žabravać stydajusia. Viedaju, što zrabić, kab pryniali mianie ŭ svaje damy, kali adymuć ad mianie haspadaravańnie. Dyk paklikaŭšy paasobku daŭžnikoŭ svajho pana, skazaŭ pieršamu: skolki ty vinien majmu panu? Toj skazaŭ: sto mierak alivy. Jon-ža skazaŭ jamu: biary svaju raśpisku, siadaj zaraz i pišy: piaćdziesiat. Paśla skazaŭ druhomu: A skolki ty vinien? Toj adkazaŭ: sto mier pšanicy. Skazaŭ jamu: vaźmi svaju raśpisku i napišy vosiemdziesiat. I pachvaliŭ pan niahodnaha haspadara, što dahadliva pastupiŭ, bo syny hetaha śvietu bolš dahadlivyja ŭ svaich spravach, jak syny śviatła. A ja vam kažu: zdabyvajcie sabie pryjacielaŭ z niespraviadlivaha bahaćcia, kab pa śmierci pryniali vas u viečnyja sialiby.
(Łuk. 16, 1—9).