Lekcyi i Evanelii na niadzieli i śviaty (1938)/I/26
| ← 25. Na V niadzielu pa Vialikadni | 26. Na VI niadzielu pa Vialikadni (U aktavie Ŭšeścia) Урыўкі зь Бібліі 1938 год Пераклад: Адам Станкевіч |
27. Na I niadzielu pa Siomusie → |
Прапануем да спампаваньня!
NA VI NIADZIELU PA VIALIKADNI.
(U aktavie Ušeścia).
I.
Darahija, budźcie razvažnyja i čujnyja ŭ malitvach. Pradusim-ža miejcie adny da druhich biazupynnuju miłaść, bo miłaść pakryvaje mnostva hrachoŭ. Budźcie ŭzajemna haścinnyja biez narakańnia; słužecie adzin druhomu, kožny pavodle tej łaski, jakuju atrymau, — jak dobryja razdaŭcy raznajakaj łaski Božaj. Kali chto havoryć, niachaj havoryć pavodle słoŭ Božych, kali chto pasłuhuje, — niachaj pasłuhuje pavodle siły, jakuju daje jamu Boh, kab uva ŭsim byŭ chvaleny Boh praz Jezusa Chrystusa Pana našaha.
(1 Piotr 4, 7—11).
II.
U heny čas kazaŭ Jezus svaim vučniam: kali pryjdzie Paciašyciel, katoraha ja pašlu vam ad Ajca, Duch praŭdy, katory ad Ajca pachodzić, jon budzie śviedčyć aba mnie. I vy budziecie śviedčyć, bo vy sa mnoj jość ad pačatku. Heta ja vam skazaŭ, kab vy nia horšylisia. Vyłučać vas z bažnicaŭ, dy prydzie čas, kali kožny, chto vas zabje, budzie dumać, što jon prysłužyŭsia Bohu. I heta buduć rabić dziela taho, što nie paznali Ajca, ani mianie. Ale ja hetaje vam skazaŭ, kab vy ŭspomnili, kali pryjdzie taja časina, što ja vam havaryŭ.
(Jan 15, 26—27 i 16, 1—4).