Hołas dušy (1934)/III/Malitwa prad woblikam Ukryžawanaha Spasa
| ← Malitwy pa Kamunii | Malitwa prad woblikam Ukryžawanaha Spasa Малітвы Аўтар: Казімір Сваяк 1934 год |
Kapłanstwa (światarstwa) → |
Прапануем да спампаваньня!
Malitwa
prad woblikam Ukryžawanaha Spasa.
._%D0%9C%D0%B0%D0%BB%D1%8E%D0%BD%D0%B0%D0%BA_4.png)
O dobry i najmilejšy Jezu, woś ja ŭpadaju na kaleni prad woblikam Twaim i z najbolšaj haračynioju dušy majej prašu Ciabie i malu, kab uliŭ u serca majo žywyja adčućci wiery, nadziei i lubowi i daŭ sapraŭdny žal za hrachi maje dy mocnuju wolu paprawy, a ja z wialikaj skruchaj i bolem dušy sam u sabie razwažaju i myślami pryhladajusia da Twaich piaci ranaŭ, majučy prad wačami toje, što skazaŭ prarok Dawid ab Tabie, dobry Jezu: Prabili ruki maje i nohi maje, paličyli ŭsie kości maje.
(Za hetu malitwu Papiež Pius IX pryznaŭ poŭny adpust, abo poŭnaje darawańnie dačasnaj kary za hrachi.
Adpust hety možna zdabyć raz na dzień za siabie abo za dušу čyscowyja pry takich warunkach: 1) kab heta malitwa była adhaworana prad woblikam Ukryžawanaha Jezusa, 2) prad Kamunijaj abo paśla Kamunii, 3) zmowić u kaściele na intencyju Ajca św. i Kaścioła 5 Ojča naš i 5 Prywitana budź).
Malitwa
św. Tamaša z Akwinu.
Dziakuju Tabie, światy Boža, Ojča Ŭsiomahutny, što mianie hrešnaha i niahodnaha słuhu Twajho, biaz nijakaj zasłuhi majej, a tolki z miłaserdzia Twajho, nasyciŭ najdaražejšym Ciełam i Krywioj Syna Twajho, Pana našaha Jezusa Chrysta. Prašu Ciabie, kab heta świataja Kamunija nia była dla mianie na zhubu, ale na ŭprašeńnie wiečnaha zbaŭleńnia. Niachaj budzie dla mianie zbrojaj wiery i ščytom dobraj woli. Niachaj wykaranić u-wa mnie ŭsie błahija prywyčki i hrešnyja pažadańni dy ŭćwiardzić mianie ŭ lubowi i ciarpliwaści, u pakory i pasłušnaści, a tak-ža wa ŭsich inšych cnotach. Niachaj mianie abaronić ad napaściaŭ usich worahaŭ, widomych i niawidomych. Niachaj budzie poŭnym adpačynkam dla sił maich cialesnych i duchowych i ščaśliwym zakančeńniem majho žyćcia. I prašu Ciabie, kab dawioŭ mianie hrešnaha da taho niawymoŭnaha ščaścia, dzie Ty z Synam Twaim i Ducham światym dla światych Twaich jość świetłaść praŭdziwaja, radaść wiečnaja, pryjemnaść i ščaście daskanalnaje. Amen.