Hołas dušy (1934)/III/Kapłanstwa
| ← Malitwa prad woblikam Ukryžawanaha Spasa | Kapłanstwa (światarstwa) Публіцыстыка Аўтар: Казімір Сваяк 1934 год |
Malitwa za św. Ajca → |
Прапануем да спампаваньня!
Kapłanstwa (światarstwa).
Kapłanstwa, heta — Sakrament, praz katory dajecca asobnaja Božaja łaska spaŭniaci pawinnaść kapłanaŭ. Sakrament hety dajeć prawa adpraŭlać światuju Imšu, udzialać Sakramenty i spaŭniać inšyja čynnaści św. Kaścioła. Nadajeć heta świataja Tajnica jašče asobny charaktar dušy, katory trywać budzie wiečna. św. Pawał nazywaje kapłanaŭ: „słuhami Božymi i razdaŭcami tajnic Božych“.
„O dziŭnaja hodnaść kapłanaŭ — piša światy Aŭhustyn, Syn Božy znachodzicca na rukach wašych, jak na ŭłońni Pračystaj Dziewy“! Ksiandzu daručyŭ Boh kluč ad skarbaŭ, što wysłužyŭ Chrystus swaim mučeńniem i śmierciaj. Jon ich ścieraže, jon ich raździalaje. Heta čaławiek, katory zastupaje na ziamli Boha, bo maje Božaje daručeńnie. „Idziecie — kaža Chrystus Apostałam — jak mianie Ajciec pasłaŭ, Ja was pasyłaju“. Kali-b adnačasna spatkaŭ ja kapłana i anieła, prywitaŭ-by piarwiej kapłana, ab anieł — pryjaciel Božy, a kapłan, heta Jaho zastupnik… Zwoniać u kaściele. Wy idziecio na hety hołas. Kudy-ž heta? — „Karmić dušy našy“ adkažacie. Čym-ža kormicie dušy wašy? — Chlebam Anielskim. A chto-ž maje kluč, chto pryhataŭlaje chleb hety? — Słuha Božy: kapłan. — A što-ž heta za chleb dziŭny? — Cieła i Kroŭ Boha našaha Jezusa Chrystusa. Kaplan, jak taja maci, što kormić dzicia, kaža: Biarecie-ješcie, heta Cieła Pana našaha Jezusa Chrystusa; niachaj was ścieraže i dawiadzie da žyćcia wiečnaha… Widziačy kaścioł, pytajuć dzietki: „što tam?“ — Tam jość Cieła Boha našaha. — A skul-ža jano tam? — Bo ksiondz adpraŭlaje Imšu światuju… Kapłan — prawadnik dušy. Pakińcie parachwiju biez ksiandza na niekulki dziesiatkaŭ hadoŭ, buduć tam žyć jak źwiaraty, a mo‘ i čeść addaduć źwiaratam. Jak worahi chočuć źništožyć relihiju, začynajuć ad ksiandzoŭstwa, bo tam, dzie niama słuh aŭtara, niama i achwiary; a dzie niama achwiary światoj, tam niama i relihii. Kapłanstwa, heta — ćwiet miłaści Serca Božaha. Hledziačy na kapłana, dumajcie ab Chryście Jezusie[1]
- ↑ Z św. Jana Wjanneja.