Hołas dušy (1934)/II/Malitwy wiačornyja
| ← Malitwy ranišnija | Malitwy wiačornyja Малітвы Аўтар: Казімір Сваяк 1934 год |
Anioł Panski → |
Прапануем да спампаваньня!
MALITWY WIAČORNYJA.
Kančajučy dzień, zhawary paciery, tak jak i naranicy, a pośle możaš adčytać takija malitwy:
Malitwa.
Panie Boža ŭsiomocny, wieru, što Ty jość tut i na kožnym miescy. Kłaniajusia Tabie i chaču Ciabie miławać nad usio na świecie.
Dziakuju Tabie za ŭsie łaski, jakija Ty mnie siońnia daŭ, nia hledziačy na maju niahodnaść. Dziakuju za zdaroŭje, siłu da pracy, dziakuju za jadu i pićcio i za ŭsie razam Twaje łaski, katorych moža nia znaju abo nie razumieju, dziakuju za ŭsio heta praz Chrystusa Pana našaha. Amen.
Boža ŭsiowiedajučy, Ty świetłaść dušy i rozumu majho, aświaci rozum moj i pamažy majej pamiaci, kab ja dobra paznaŭ i prypomniŭ, čym Ciabie, Ojča najlepšy, zahniawiŭ siahońnia; daj sercu majmu praŭdziwy žal za hrachi maje, daj silnuju wolu, kab, pastanawiŭšy paprawicca, wytrywaŭ ja ŭ dobrym až da apošniaj chwiliny žyćcia majho.Tut zrabi karotki rachunak sumleńnia: ci nie zmarnawaŭ dnia, ci nia skryŭdziŭ kaho, ci nie zhrašyŭ prociŭ Boha jakim słowam hidkim, abo myślaj niahodnaj, abo ŭčynkam škodnym. Kali tak było, kajsia ščyra i pastanawi, što zaŭtra budzieš lepšym. Kali Boh pazwoliŭ tabie zrabić što dobraje, padziakuj Jamu i nie chwalisia nikomu. Potym adčytaj:
Psalm 50.
Zžalsia nada mnoju, Boža, pawodle wialikaha miłaserdzia Twajho.
A pa mnahacie źmiławańniaŭ Twaich satry nieprawatu maju.
Najbolš abmyj mianie z nieprawaty majej i z hrechu majho ačyści mianie.
Bo nieprawatu maju ja znaju, a hrech moj proci mianie zaŭsiody.
Tabie Adzinamu ja zhrašyŭ i zło prad Taboj učyniŭ, kab akazaŭsia Ty sprawiadliwym u sławach swaich i pieramoh, kali Ciabie asudžajuć.
Bo woś ja ŭ nieprawotach začaty i ŭ hrachu začała mianie maci maja.
Bo woś Ty praŭdu palubiŭ; niaznanaje i tajnaje mudraści Twajej abjawiŭ mnie.
Akrapi mianie hizopam i ačyščan budu; abmyj mianie i nad śnieh bialejšym stanu.
Słuchu majmu daj radaść i wiasielle i ŭzradujucca panižanyja kości.
Adwiarni twar Twoj ad hrachoŭ maich i satry ŭsie nieprawoty maje.
Serca čystaje stwary ŭ-wa mnie, Boža, a ducha prostaha adnawi ŭ nutroch maich.
Nie adkidaj mianie ad abličča swajho i Ducha Twajho światoha nie adbiraj ad mianie.
Wiarni mnie radaść zbaŭleńnia Twajho i ducham waladarnym ućwiardzi mianie.
Budu niawiernych nawučać daroh Twaich i biazbožnyja da Ciabie nawiernucca.
Wybawi mianie ad krywawych dzieł, Boža, Boža zbaŭleńnia majho: i budzie sławić jazyk moj sprawiadliwaść Twaju.
Panie, adčyni huby maje: i wusny maje buduć apawiaščać chwału Twaju.
Bo kali-b Ty chacieŭ achwiary, ja peŭna daŭ-by; ale z achwiaraŭ rad Ty nia budzieš.
Achwiara Bohu duch pakutny; sercam zbalełym i pakornym, Boža, nia ŭzhardziš.
Paščaśliŭ, Boža, z dobraj woli Twajej Syjonu, kab byli zbudawany ścieny Jeruzalimu.
Tady prymieš achwiary sprawiadliwaści, dary i žertwy; tady pałožać na aŭtar Twoj cialat.
Chwała Ajcu i Synu i Duchu Św. jak było spradwieku ciapier i zaŭsiody i na wieki wiečnyja. Amen.
Malitwa da Najśw. Dziewy Maryi.
|
Świataja Maci Zbawiciela Boha, |
Molačysia, uspomni i ab tych, jakija adyjšli ŭžo z hetaha świetu, a jakija byli na hetym świecie dla ciabie darahija. Moža malitwa twaja dla ich patrebna.
Malitwa za pamioršych
Miej źlitawańnie, o Boža, nad dušami maich baćkoŭ, bratoŭ, siostraŭ, swajakoŭ i nad dušami tych, što zyjšli z hetaha świetu ŭ nadziei na žyćcio wiečnaje. Wiečny supakoj daj im, o Panie, a światło biazustannaje niachaj im świecić; niachaj supačywajuć na wieki. Amen.