Гады праляцелі шквалам,
Знарадамі —
па страсе,
І адышлі навалы,
І ў будаваньні ўсе.
А помніш,
калі працавалі
У дыме ліхіх пагроз?
Касы твае
і рэалы
Бачылі ўсякі лёс…
Дзе ты ўспаміны дзенеш?
Год —
на ілбу раўчак…
З поўначы йшоў Юдзеніч,
З Сібіру ішоў Калчак.
Недзе у полі загінуў
Наш баявы камісар.
— Трэба ў акопы кінуць
Сьвежых лістовак жар.
Часта ў начную цемень,
Як варта
давала знак,
„Сеялі“ поўнай жменяй
Літараў чорны мак…
Прапануем да спампаваньня!