Што ні год, памяншаюцца сілы (Някрасаў/Купала)

Што ні год, памяншаюцца сілы... Верш Аўтар: Мікалай Някрасаў Крыніца: Янка Купала. Поўны збор твораў у 9 т. Том 1 — Мінск, Маст. Літ., 1995.

Прапануем да спампаваньня!

Што ні год, памяншаюцца сілы,
Стыне кроў, сняцца думы чарней.
Зямля-маці! Няўжо ж да магілы
Я не ўбачу свабоды тваей?

А хацеў бы, ўміраючы, ведаць,
Што не згінеш у бітвах зусім,
Што араты твой, сеўшы абедаць,
Не застогне над горам сваім.

Каб мне вецер ад вёскі убогай
Адно рэха да слуху данёс,
У якім не гудзела б трывога,
Не дачуў крыві людскай і слёз.

(1861 / 18 красавіка 1906)