Шляхам жыцьця (1913)/IV/Хто ты гэткі?

З пляцоўкі Вікікрыніцы
Зіма Хто ты гэткі?
Верш
Аўтар: Янка Купала
1913 год
Ці-ж гэта многа?!
Іншыя публікацыі гэтага твора: Хто ты гэткі?

Спампаваць тэкст у фармаце EPUB Спампаваць тэкст у фармаце RTF Спампаваць тэкст у фармаце PDF Прапануем да спампаваньня!




Хто ты гэткі?

Хто ты гэткі?
— Свой, тутэйшы.
Чаго хочэш?
— Долі лепшай.
Якой долі?
— Хлеба, солі.
А што болей?
— Зямлі, волі.
Дзе радзіўся?
— Ў сваей вёсцэ.
Дзе хрысьціўся?
— Пры дарожцэ.
Чым асьвенчан?
— Кроўю, потам.
Чым быць хочэш?
— Ня быць скотам…