Шляхам жыцьця (1913)/IV/На прадвесьні

На прадвесьні
Верш
Аўтар: Янка Купала
1913 год

Іншыя публікацыі гэтага твора: На прадвесьні (Купала).

Прапануем да спампаваньня!

На прадвесьні.

…І сівер ледзь хаткі ня зьверне,
І сьнегу ані не ўбывае,
А тут у сьвіронку—ні зерня,
Апошняя бульба ўцекае!—
І сена німа ад Грамніцаў,
Саломкі тэй зараз не хваце;
Кабылка падбегчы баіцца,
Кароўка ня хочэ ўставаці.
Даведаўся ў двор і да сына—
Ня служцэ куток свой карміці!
І больш не даюць з магазына,
Німа дзе рубля зарабіці…
Ня лёгка на сэрцы, ня лёгка!
Дум чорных ня збыцца дзень цэлы…
А так ешчэ траўка далёка,
Калі-ж і той колас насьпелы?!