Шляхам жыцьця (1913)/IV/Наша вёска/Там, за лесам-борам…

Наша вёска 3.
Верш
Аўтар: Янка Купала
1913 год

Іншыя публікацыі гэтага твора: Вёска (Горы ды каменьне…)

Прапануем да спампаваньня!

3.

Там, за лесам-борам
На апецэ боскай,
Як нядолі сьведка,
Села наша вёска.
Ей німа спачынку,
Ей німа пацехі,
Крышэ, ломе вецер
І платы́, і стрэхі.
А хоць і неўдала
Выгледаюць хаты,
Ходзюць к ёй у госьці
Бедны і багаты.
І ўсё-б чыста з вёскі,
Што маглі, забралі,
А што-ж далі вёсцэ?
Гэй! скажы, што далі?
Далі тую долю,
Што ўсе праклінаюць,
Далі тую волю,
Што ў няволі маюць…