Шляхам жыцьця (1913)/IV/Жнеям

Жнеям
Верш
Аўтар: Янка Купала
1913 год

Іншыя публікацыі гэтага твора: Жнеям (Купала).

Прапануем да спампаваньня!

Жнеям.

Красаваў, наліваўся
І дасьпеў шнур мужычы;
Час вам, жнейкі, на бітву!
«Постаць» клічэ, ой, клічэ.
Сонцэ ўзойдзе і зайдзе,
Не кідае зямелькі,
Правядзе і спаткае
Ў поле, с поля вас, жнейкі.
Выйшлі с хатак за вёску,
Гнуцца бедные ў полі,
Толькі песьню чуваці
Іхней долі-нядолі.
Жніце, жніце, галубкі,
Сваю радасьць і сьлёзы!
Трэба многа нажаці,
Прыдзе зімка, марозы:
К тэй прытуліцца братка,
К тэй маленькі сынулька,
А ўсё хлеба, ой, хлеба
Дай, сястрыца, матулька!
Ходзюць хмары па небе
З нейкай дзіўнай трывогай;
Чутна жнейніна песьня,
Нуды ў песьні тэй многа.
Хто злічыў тые каплі,
Што нам неба прыносе?
Хто прыслухаўся, людзі,
Аб чым жнейка галосе?!..