Шляхам жыцьця (1913)/II/Летняя раса

← З летніх малюнкаў

Летняя раса́ Верш Аўтар: Янка Купала 1913 год

Лета →

Іншыя публікацыі гэтага твора: Летняя раса.

Прапануем да спампаваньня!

Летняя раса.

Як брылянты, разсевае
Ночка летняя расіцу,
Туманамі спавівае
Луг зялёны над крыніцай.
А як раніца настане,
Блескі сонца загуляюць,—
Рос прыходзіць адцьвітанне,
Туманы у рэчцы таюць.
Як брылянты, гінуць росы
На зелёнай сенажаці;
Сонца косы, нашы косы
Не даюць паўдня ім знаці!

---