Шляхам жыцьця (1913)/I/Як спытаюцца нас…

← Брату

Як спытаюцца нас… Верш Аўтар: Янка Купала 1913 год

Дзе вы?.. →

Іншыя публікацыі гэтага твора: Як спытаюцца нас.

Прапануем да спампаваньня!

Як спытаюцца нас.

Прыдуць людзі з Усходу,
Прыдуць с Захаду людзі
І спытаюцца нас:
Скуль, якога вы роду?
Дзе земля ваша будзе,
Дзе айчызна у вас?..
Мы ля плота, пад плотам
Паглядзім, пашукаем,
Які даць тут атказ,
І аткажэм: Э, што там…
Мусіць бабскім звычаем
Зьбегла ў прочкі на час.

---