Шляхам жыцьця (1913)/I/Песьня-байка

Песьня-байка
Верш
Аўтар: Янка Купала
1913 год

Іншыя публікацыі гэтага твора: Песьня-байка.

Прапануем да спампаваньня!

Песьня-байка.

З-за далёку, із усходу
Віхар мчыцца ў непагоду,
Байкі сее маладые;
Думка чуе, думка ные…
… Ціха—Бачце: штось віднее,
Льецца нейкая надзея,
Штосьці едзе з новым сватам,
З новым шлюбам с хаты ў хату…
Скінь лахманец непазорны.
Пыл згані з ваконцаў чорны,
Пыл змяці хутчэй з ваконца,—
Шэпні—клікні: сонцэ! сонцэ!...
Бытцам с песьняй, бытцам з ласкай,
С чараўніцкай нейкай казкай
З-за далёку, із усходу
Віхар мчыцца ў непагоду…