Шляхам Змаганьня/Дух волі

← Шляхам змаганьня

Дух волі Верш Аўтар: Уладзіслаў Казлоўскі 1935 год

Зрок у будучыню →

Іншыя публікацыі гэтага твора: Дух волі.

Прапануем да спампаваньня!

ДУХ ВОЛІ.

З курганаў вяковых, са стогну стагодзьдзяў
Ускрэсьне дух волі — з трыумфам паўстане,
І ўсенькія енкі, што чутны ў народзе,
Заменіць ў змаганьне.

Пабудзіць да чыну, дасьць кліч ўсемагутны,
Завесіць працоўны наш сьцяг над Краінай
І дзейнай народ наш сярмяжны, пакутны
Папхне каляінай.

І пульсам магутным забьецца ў народзе,
Ахопіць змаганьнем і душы, і сэрцы,
Аж покуль ня прыдзе пашана свабодзе
А сьмерць паняверцы.