Хрэстаматыя новай беларускай літэратуры (1927)/IV/В/Цішка Гартны/Песьні працы і змаганьня/Йдзі дарогаю заросшай…

Йдзі дарогаю заросшай…
Верш
Аўтар: Цішка Гартны
1927 год

Іншыя публікацыі гэтага твора: Йдзі дарогаю заросшай…

Прапануем да спампаваньня!

Йдзі дарогаю заросшай…

Йдзі дарогаю, заросшай
Дзікім чэмерам-травой.
Йдзі, стаміўшыся, зьнямогшы,
З набалеўшаю душой.

Груды, ямы і абрывы
Хай ня лякаюць^[1] цябе;
Хай ружовыя пазывы
Не тануць ў цяжкой журбе.

Над табою зданьне сьмерці —
Дух згубіцельны пяе —
Кожнай хвіляй мерыць ўперці
Ў змрок нябытнасьці свае.

Хай да сэрца йдуць сумленьні,
Страх хай лезе да цябе,
Загартуй свае цярпеньне
І будзь цьвёрдым у барацьбе.

Тады пройдзеш скрозь дарогу,
Гарда сьцяг свой данясеш
К таму месцу, к таму богу,
Да якога ты ідзеш.