Хрэстаматыя новай беларускай літэратуры (1927)/IV/В/Цішка Гартны/Песьні працы і змаганьня/Дружна з ахвотай…

Дружна з ахвотай…
Верш
Аўтар: Цішка Гартны
1927 год

Іншыя публікацыі гэтага твора: Дружна з ахвотай…

Прапануем да спампаваньня!

Дружна з ахвотай…

Дружна з ахвотай,
Гэй, за работу,
Брацьці, скарэй!

З песьняю зычнай
Ў працы прывычнай
Будзе спарней.

Гора з нядоляй
Ня знойдуць патолі
Болей сродзь^[1] нас;

Весела й хутка,
Мінюта ў мінютку
Сойдзе нам час.

У стуку і груку
Забудзем мы муку
Працы сваёй.

Шчыра і сьмела,
Гайда да дзела
Цеснай сям’ёй,

Там, дзе цярпеньне
Ў цемры гніеньня
Стане расьці.

Семя жывое
Шчасьця сьвятога
Пасеем ў жыцьці.

Дружна, з ахвотай,
Гэй, да работы,
Брацьці, скарэй!

Праца сьвятая
Хай прывітае
Нас ўсіх хутчэй…