Хрэстаматыя новай беларускай літэратуры (1927)/IV/В/Цішка Гартны/Песьні працы і змаганьня/Будзь пярэднім

← Без работы

Будзь пярэднім Верш Аўтар: Цішка Гартны 1927 год

Таварышу →

Іншыя публікацыі гэтага твора: Будзь пярэднім.

Прапануем да спампаваньня!

Будзь пярэднім.

Непадатны,
Поўны гарту
Ў жыцьці з роду,
За свабоду
Ў бой упарты:
......
Незьвярэдна^[1]
Йдзі пярэднім!

Днёў шчасьлівых —
Выгляд здалі^[2],
Ў палахлівых
Запускае
Сум нявер’я
й отруч^[3] жалю…
Шырэй дзьверы
Адчыні ім!
Хай міргае
Сьветам дзіўным
Зірк свабоды
Прад вачыма
Змардаваных^[4]
Завірухай,
Зьнікшых духам
Ў цяжкіх ранах…
Ў час, як жданай
Долі шчаснай^[5]
Зорка ясна
Вокал зьзяе…

Незгамонны,
Непакорны
Ў жыцьці з роду,
Перад сконам
Ночы чорнай
Й злой нягоды,
Цьвёрда, ўпарта
Стань пярэднім
І ўлій гарту,
Й дай надзею
Тым, хто стомлен
Ды хварэе
Ад зьнямогi
Сродзь^[6] дарогі…

---

---

1. Ня хістаючыся, сьмела.
2. Здалёк.
3. атруту.
4. Полён. — змучаных.
5. Шчасьлівай.
6. Полён. — сярод, пасярод.