Хрэстаматыя новай беларускай літэратуры (1927)/IV/Б/Стары Ўлас/Рабочы час

Рабочы час
Верш
Аўтар: Стары Улас
1927 год

Іншыя публікацыі гэтага твора: У дажджлівы час.

Прапануем да спампаваньня!

Стары Ўлас.

Рабочы час.

Доўга у хаце нашыя брацьці,
Рукі злажыўшы, сядзелі,
Бо, як на згубу, дождж ліў, як з лубу,
Ліў праз чатыры нядзелі.

Сонца зірнула, ўсю павярнула
Працу к вялікай ахвоце:
Луг у пракосы кідаюць косы,
Граблі і вілы ў рабоце!

Жнейкі на жніве рэжуць сквапліве^[1],
Ўюць перавёслы няслабкі,
Вяжуць снапамі, валяць радамі,
Ставяць у мэтлі^[2] і бабкі^[3]

Йшлі дажджы, слоты, буры, грымоты, —
Мы са сьлязамі ўздыхалі;
Вось і нічога; зьбегла трывога,
Новага хлеба прыждалі.