Хрэстаматыя новай беларускай літэратуры (1927)/I/Б/Цётка/Скрыпка беларуская/На чужой старонцы

На чужой старонцы
Верш
Аўтар: Цётка
1927 год

Іншыя публікацыі гэтага твора: На чужой старонцы.

Прапануем да спампаваньня!

На чужой старонцы.

Маркотна мне, чужы я людзям,
Цесна душы, цесна грудзям.
Бягу думкай ў край далёкі,
У лес цёмны, ў лес высокі,
Ў сваю вёску, у сваю ніўку.
Бачу выган, бачу сіўку^[1],
Вун кароўкі бягуць з поля…
Ой-да хаткі! кінь мне доля,
Хоць расінку з нашай вёскі,
Хоць былінку, хоць дзьве крошкі
Ад палудня майго брата.
Ой, як люба родна хата,
Ой, як мілы родны край!
Паляцеў-бы як у рай.
Раднюсенька мне сярмяжка,
Шнурок, лапці, каптан, дзяжка.
Ўсё там міла, бо мне родна,
Нат^[2] сьмяцінка сэрцу годна.

↑ Каня.
↑ Скарочана — нават.

[1] Каня.

[2] Скарочана — нават.

[1]

[2]