Хрыстаматыя беларускае літэратуры. ХІ век—1905 год/Народн. літэр. невяд. аўтор./З гутаркі «Гэй, каб нам быць весялей»

← З „Казаньня“

З гутаркі „Гэй, каб нам быць весялей“ Верш Аўтар: Ян Баршчэўскі 1922 год

З гутаркі „У паноў ніхто бяз спросу“… →

Іншыя публікацыі гэтага твора: Размова хлопаў (Баршчэўскі).

Прапануем да спампаваньня!

З гутаркі „Гэй, каб нам быць весялей“.

Гэй, каб нам быць весялей!
Гэй, каб нам быць пасьмялей!
Пойдзем, браццы, ў кабачок,
Вып’ем гарэлкі кручок.
Водка крэпка, мера спора,
Будзем піць, забудзем гора;
Браццы, як у добры год,
Завядзём тут карагод.
Пойдзем ад хаты да хаты,
Ці галыш хто, ці багаты;
Калі будзець весяло,
К нам зьбярэцца ўсё сяло.^[1]
Карп, як па калядзе з мехам,
Грошай альбо збожжа з мехам
Сабярэць, так будзець лад;
Будзем піць гарэлку ў рад.
Пілі бацькі і дзяды,
І мы ступім ў іх сьляды:
Яны гора не знавалі,
Гарэлку добра сьцябалі.
Чалом, Грышка! Чалом, Дзёма!
Чалом, Кузьма! Заві Пахома!
Чаго яшчэ будзем чакаць?
Пара гарэлку піць, скакаць.
Памаўчы лепш, не варыся,
З намі йдзі скакаць, Марыся!
Замаўчы й ты, Сялівон!
Не замоўчыш, пойдзеш вон!
Дзядзька сядзіць, піпку курыць;
П’ець гарэлку, вачмі жмурыць,
А дзядзіна не ўважаець,
Цалком чарачкі глытаець.
Саўка скачаць, пішаць, пышаць,
Умарыўся, ледва дышаць.
Барыс — строгі целялёг,
Ўпіўшыся, пад лаўку лёг.
На ліха вось тут аканом
Уляцеў, награнуў з бізуном.
............

Рассыпалісь ўсе нашы розна,
Куды папала, куды можна.
Адзін схаваўся быў пад стол, —
Яго аконам за хахол.

---

1. Параўнаваць з „Рабункамі мужыкоў“ Я. Баршчэўскага.