Хай ня льюцца дажджы цёмна-хмарныя…

З пляцоўкі Вікікрыніцы
Перайсьці да навігацыі Перайсьці да пошуку
Хай ня льюцца дажджы цёмна-хмарныя…
Верш
Аўтар: Алесь Гарун
Крыніца: http://rv-blr.com/literature/4913#71833


 * * *

Хай ня льюцца дажджы цёмна-хмарныя
         Над зьмярцьвелаю пашаю.
Хай пачнуцца гады хлебадарныя
         Над зямелькаю нашаю.
Хай красуецца жытам, пшаніцаю,
         Каласочкамі цяжкімі,
Хай ўзмацуецца Боскай правіцаю
         І ўсятворчымі ласкамі.
Хай асьвеціцца праўды навукаю
         І братэрскаю згодаю,
Хай зьнявечацца крыўда з прынукаю
         За яе загародаю,
Хай ўзьлятаець хвала яе племені,
         Упякнёнага цнотамі,
Хай шыбаець над скаламі з крэменю,
         Над арлінымі ўзьлётамі.