Матчын дар (1929)/Роднаму краю/5

5. ⁂ Хай ня льлюцца дажджы цёмна-хмарныя
Верш
Аўтар: Алесь Гарун
1929 год

Іншыя публікацыі гэтага твора: Хай не льюцца дажджы цёмна-хмарныя…

Прапануем да спампаваньня!

5.

∗
∗ ∗

Хай ня льлюцца дажджы цёмна-хмарныя
Над зьмярцьвелаю пашаю,
Хай пачнуцца гады хлебадарныя
Над зямелькаю нашаю.
Хай красуецца жытам, пшаніцаю,
Каласочкамі цяжкімі,
Хай ўзмацуецца боскай правіцаю
І ўсятворчымі ласкамі.
Хай асьвеціцца праўды навукаю
І братэрскаю згодаю,
Хай зьнявечацца крыўда з прынукаю
За яе загародаю.
Хай ўзьлятаець хвала яе племяні,
Упякнёнага цнотамі,
Хай шыбаець над скаламі з крэменю,
Над арлінымі ўзьлётамі.