Угрунь (1927)/Моладзь і сонца/Прастор казацкай коньніцы

← Струна

Прастор казацкай коньніцы Верш Аўтар: Андрэй Александровіч 1927 год

Мяцеліца →

Іншыя публікацыі гэтага твора: Прастор казацкай коньніцы.

Прапануем да спампаваньня!

ПРАСТОР КАЗАЦКАЙ КОНЬНІЦЫ

Сонца
ў дзіўных скалах
славу нам снавала.

Арол
на небасхіле
ў праменьнях грэе крыльля.

Горы,
шлях арліны,
цалуюць сінь вяршынай.

Даліны
ветравольніцы
прастор казацкай коньніцы.

∗
∗     ∗

Я схіліў чупрыну,
ўзышоўшы на скалу:
горам і далінам,
сонцу і арлу.

1926 г. Каўказ.